បន្ទាយមានជ័យ៖ កម្លាំងសមត្ថកិច្ចថៃបានឃាត់ខ្លួនពលរដ្ឋខ្មែរលួចឆ្លងដែនទៅប្រទេសថៃដោយខុសច្បាប់ចំនួន២០នាក់ នឹងបានបញ្ជូនមកកម្ពុជាវិញតាមច្រកអូរបីជាន់ ស្រុកអូជ្រៅ ខេត្តបន្ទាយមានជ័យ។
មេបញ្ជាការវរសេនាតូចការពារព្រំដែនគោក លេខ៨១៥ លោកវរសេនីយ៍ឯក សួង សៅ បានឲ្យ EAC News ដឹងថា កាលពីរសៀលថ្ងៃទី១៦ ខែតុលាម្សិលមិញ ម៉ោងប្រមាណ ០៤និង១០នាទីទាហានឈុតខ្មៅថៃ បានឃាត់ប្រជាពលរដ្ឋខ្មែរប្រុស-ស្រី ចំនួន២០នាក់ នៅចំណុចភូមិប៉ាយខៀវ ឃុំផានស៊ឹក ស្រុកអារញ្ញ ខខេត្តស្រះកែវ និងត្រូវបានបញ្ជូនទៅឲ្យតម្រួតនៃអធិការដ្ឋាន្លងណាំសៃ ស្រុកអារញ្ញា ដើម្បីមានវិធានការបន្ត។
បច្ចុប្បន្នពលរដ្ឋខ្មែរទាំង២០នាក់នោះ ត្រូវបានបញ្ជូនមកម្ពុជា តាមច្រកអូរបីជាន់ ស្រុកអូរជ្រៅ ដេីម្បីអនុវត្តតាមវិធានការសុខាភិបាលដេីម្បីតាមដានសុខភាព មុននឹងអនុញ្ញាតឲ្យត្រលប់ទៅផ្ទះវិញ៕
